Ajax na farautar Henderson, Sancho zai je Dortmund

Ajax na zawarcin ɗan wasan Ingila mai buga tsakiya, Jordan Henderson daga ƙungiyar Al-Ettifaq ta Saudiyya, sai dai tana fuskantar gasa daga wasu ƙungiyoyi na Firimiya da Bundesliga. (ESPN)

Al-Ettifaq ba za ta shiga matsi ba kan sayar da Henderson a watan Janairu, ko kuma amincewa ya tafi aro, yayinda tsohon kyeftin ɗin na Liverpool ke shirin tattaunawa da kocinsa Steven Gerrard da kuma daraktan wasanni Mark Allen. (Talksport)

Ɗan wasan gefe a Ingila Jadon Sancho, mai shekara 23, na shirin tafiya zaman aro a Borussia Dortmund amma zai dawo ƙungiyarsa ta asali Manchester United bayan cikar wa'adinsa, kasancewa ƙungiyar ta Jamus ba za ta jure yarjejeniyar ba. (Mirror)

Bayern Munich ta makara wajen gabatar da tayi kan ɗan wasan Tottenham Radu Dragusin, a yanzu dai zaɓi ya rage ga ɗan wasan mai shekaea 21 da ke taka leda a Genoa domin yanke hukuncin inda yake fatan tafiya. (Sky Sports)

Shugaban Paris St-Germain Nasser Al-Khelaifi ya ce yana son ɗan wasan Faransa mai shekara 25 Kylian Mbappe, da kwantiraginsa ke karewa a karshen kaka, ya ci gaba da zama da su, saboda a cewarsa hakan shi ne mafi dacewa a gare shi. (RMC Sport - in French)

PSG na kokarin kulla yarjejeniya da ɗan wasan Jamus mai shekara 28 Joshua Kimmich daga Bayern Munich a watan Janairu. (Sky Germany - in German)

Newcastle United za ta yi watsi da duk wani tayi da za a gabatar mata cikin watan Janairu daga PSG kan ɗan wasan Brazil Bruno Guimaraes mai shekara 26. (The i)

Ɗan wasan gaba a Ingila Cole Palmer mai shekara 21, ya ce ya so tafiya zaman aro daga Manchester City a wancan kakar kafin ya koma Chelsea. (Sky Sports)

Fulham na sa ido kan ɗan wasan AZ Alkmaa da Girka mai shekara 25, Vangelis Pavlidis da Chelsea, AC Milan da Barcelona ke zawarci. (Evening Standard)

Kocin Leicester City Enzo Maresca na kokarin sayo ɗan wasan tsakiya daga Italiya Stefano Sensi mai shekara 28 daga Inter Milan. (Sky Sports Italy - in Italian)

Juventus na kokari ganawa da wakilan ɗan wasan Ingila, Samuel Iling-Junior domin tattauna sabunta kwantiragin matashin mai shekara 20. (Tuttosport - in Italian)

Barcelona na tattaunawa kan ɗan wasan Atletico Madrid da ke buga gaba Joao Felix, yayinda ƙungiyar ke nuna shaku kan ɗan wasan na Portugal mai shekara 24 da ke musu zaman aro. (Sport - in Spanish)

Tottenham ta bi sahun Middlesbrough a farautar ɗan wasan tsakiya Hayden Hackney mai shekara 21 da ya ja hankalin ƙungiyoyi irinsu, Manchester City, Manchester United da Liverpool. (Evening Standard)