Arsenal na son Fikayo, Man Utd za ta mayar da Sancho aro

Arsenal ta nuna sha'awarta ta sayen dan bayan AC Milan da Ingila Fikayo Tomori. (Football Transfers)

Bayern Munich na tattaunawa da dan bayan Tottenham da Ingila Eric Dier, a matsayin daya daga cikin wadanda take son dauka. (Athletic)

Manchester United za ta rika biyan mafi yawan albashin Jadon Sancho idan ya koma zaman aro a Borussia Dortmund. (i Sport)

Juventus ta fice daga jerin masu zawarcin dan wasan tsakiya na Manchester City da Ingila Kalvin Phillips, wanda Newcastle United ma take so. (Sun)

A shirye West Ham take ta sayar da dan bayanta na Moroko Nayef Aguerd a watan nan idan kociyan kungiyar David Moyes zai iya samun wanda zai maye gurbinsa kafin a rufe kasuwa. (Standard)

Roma da AC Milan sun nuna sha'awarsu ta sayen Aguerd, wanda Hammers ta yi wa kudi fam miliyan 30. (CaughtOffside)

Liverpool, da Chelsea da kuma Manchester City na sanya ido sosai a kan dan gaban Crystal Palace kuma tsohon dan tawagar 'yan kasa da shekara 21 ta Faransa Michael Olise. (Football Insider)

Tottenham za ta fuskanci hamayya daga Napoli wajen sayen dan bayan Genoa dan Romania Radu Dragusin. (ESPN)

Tottenham za ta bayar da aron dan bayanta na Ingila Djed Spence, bayan da Leeds United ta sake shi daga aron da ta karba. (Mail)

Kungiyar Fenerbahce ta Turkiyya na sha'awar sayen dan gaban Manchester United da Faransa Anthony Martial. (Takvim )

Brighton ta gabatar da bukatar sayen dan bayan Boca Juniors da tawagar 'yan kasa da shekara 20 ta Argentina Valentin Barco, wanda kudinsa ya kai fam miliyan 10 wanda kuma ana alakantanshi da Manchester City, da Liverpool, da Chelsea da kuma Real Madrid. (TyC Sports)

Aston Villa da Brighton na son dan gaba na gefe na Leeds United Crysencio Summerville dan Netherlands. (Football Insider)

Kocin Roma Jose Mourinho ya musanta maganar da ake yi cewa ya gana da hukumar kwallon kafa ta Brazil domin zama kocin kasar a watan Yuli na shekaran nan, 2024. (ESPN)

Nottingham Forest na sha'awar mai tsaron ragar Wolverhampton Wanderers da Portugal Jose Sa. (Football Transfers)

Brentford na shirin sayen matashin dan wasan tsakiya na Turkiyya Yunus Emre Konak, mai shekara 17, daga kungiyar Sivasspor. (Goal)

Sevilla ta gana da Chelsea domin karbar aron matashin dan gabanta na Ivory Coast David Datro Fofana mai shekara 21. (Fabrizio Romano)