Mutane sun yi ta ɗaga kai sama cikin al'ajabi lokacin wata ya bayyana cikin haske da girman da aka saba gani ranar Litinin da daddare.

A cewar hukumar binciken sararin samaniyan Amurka ta NASA, ana ganin hamshaƙin watan da ke bayyana a cikin Yuli da cikarsa har tsawon sama da kwana uku.

Watan kan yiwo ƙasa-ƙasa fiye da yadda aka saba gani a kan hanyar da yake zagaye Duniyar Az.

Hakan na faruwa ne saboda hanyar da watan yake bi, ba cikakken zagaye yake yi ba a dalilin maganaɗisun janyo abu ƙasa da Duniyar Az ke yi.