Di Central Bank of Nigeria say bank customers fit deposit dia old N500 and N1000 to dia banks.

But di amount dem go fit deposit to di banks no go pass N500,000 (Five hundred thousand naira).

Tok-tok pesin of di apex bank, Osita Nwasinobi confam dis informate to BBC Pidgin.

Dis informate dey come afta plenty Nigerians gada for di Central Bank offices for dia states to deposit dia old naira notes wey don stop to be legal tender according to di CBN.