Liverpool, Chelsea da Arsenal na sha'awar daukar dan wasan Valencia da Amurka Yunus Musah, mai shekara 20. (90min)

Barcelona na bibiyar dan wasan Arsenal da Brazil Gabriel Martinelli, mai shekara 21, da zummar daukarsa a lokacin musayar 'yan kwallo na watan Janairu. (Sport - in Spanish)

Borussia Dortmund tana so ta sayar da dan wasan tsakiyar Ingila Jude Bellingham, mai shekara 19, a bazara mai zuwa a kan yuro 100m zuwa 150m (£86m-£129m). (Sky Sports)

Shugaban Paris St-Germain Nasser Al-Khelaifi ya ce "kowa da kowa" yana so ya sayi dan wasa mai "hazaka" Bellingham kuma kungiyar ta Faransa za ta soma ganawa da Dortmund idan tana son daukarsa. (Sky Sports) 

Har yanzu dan wasan gaban Portugal Cristiano Ronaldo, mai shekara 37, bai yanke shawara ba game da tayin da kungiyar Al-Nassr ta yi na daukarsa ba. (ESPN)

Tottenham ce kan gaba a cikin kungiyoyin da ke shirin daukar dan wasan tsakiyar Ivory Coast, Franck Kessie, mai shekara 25, daga Barcelona. (Sport)

Mai yiwuwa West Ham ya sallami kocinsa David Moyes a yayin da ake tsaka da masu rashin jituwa tsakaninsa da daya daga cikin masu kulob din David Sullivan. (Football Insider)