Ɗan gidan Maldini zai buga wasannin aro a Monza

Daniel Maldini dan gidan Paolo Maldini ya kammala komawa Monza, domin buga mata wasannin aro daga AC Milan zuwa karshen kakar nan.

Maldini ya buga wasannin aro a Empoli a bana, wanda ya shiga wasa sauyin dan kwallo a fafatawar da Milan ta ci 3-0 ranar Lahadi.

Mai sshekara 22 ya buga wasannin aro a Spezia A 2022-23 da cin kwallo da ya fuskanci Milan a Nuwambar 2022.

Wasan da ya fara buga wa Milan shi ne a karawa da Spezia a kakar da ta wuce.

Monza ta ci gaba da taka rawar gani a babbar gasar tamaula ta Italiya, tun bayan da ta koma buga wasannin a 2022, wadda take ta 11 a teburin Serie A.

Ƙungiyar da Raffaele Palladino ke jan ragama za ta fuskanci Inter Milan ranar Asabar, wadda take ta farko a kan teburi.